Արգենտինայի հավաքականի գլխավոր մարզիչ Խերարդո Մարտինոն կշարունակի աշխատանքն ազգային թիմում։ Այս մասին տեղեկացնում է Արգենտինայի ֆուտբոլի միության պաշտոնական կյանքը։
Մարտինոն թիմը գլխավորելու է նաև Ռիոյում կայանալիք 2016 թվականի օլիմպիական խաղերին։
Հիշեցնենք, որ Ամերիկայի գավաթի խաղարկության եզրափակչում Չիլիի հավաքականից կրած պարտությունից հետո Լիոնել Մեսսին հայտարարեց Արգենտինայի հավաքականում ելույթներն ավարտելու մասին։
Տեղեկություններ են շրջանառվում, որ թիմից կարող են հեռանալ նաև Սերխիո Ագուերոն, Գոնսալո Իգուաինը, Անխել դի Մարիան, Խավիեր Մասկերանոն, Էսեկիել Լավեցին ու Լուկաս Բիլյան։








































