Էլեկտրաէներգիայի սակագինը նվազեց 2,58 դրամով՝ կազմելով ցերեկը 46 դրամ 20 լումա, գիշերը՝ 36 դրամ 20 լումա: Հունիսի 17-ին Հանրային ծառայությունները կարգավորող հանձնաժողովը կողմ քվեարկեց սակագնի նվազեցմանը, այն կգործի օգոստոսի 1-ից: Չնայած էլեկտրաէներգիայի սակագինը նվազեց, միևնույն է, նախորդ տարվա համեմատ Հայաստանի քաղաքացիները թանկ են վճարելու, անցած տարի հոսանքի գինը բարձրացել էր 6,93 դրամով, հետևաբար սպառողները անգամ 2 դրամ 58 լումա նվազեցումից հետո նախորդ տարվա համեմատ 4,35 դրամով ավելի կվճարեն:
Նախորդ տարի էլեկտրաէներգիայի սակագնի բարձրացումը պայմանավորված էր ռուսաստանյան «Ինտեր ՌԱՕ ԵԷՍ»-ին պատկանող ՀԷՑ-ի պարտքով:
Փաստաբան Հայարփի Սարգսյանը մանրամասնում է՝ էլեկտրաէներգիայի սակագնի բարձրացման շնորհիվ նախորդ տարվա օգոստոսի 1-ից հետո 12-ամսյա ժամկետում ՀԷՑ-ը պետք է մարեր կուտակած պարտքը, սակայն ժամկետի ավարտից հետո էլէներգիայի սակագինը ոչ միայն չի հավասարվել իր նախկին գնին, այլև փաստացի թանկացել է 4,35 դրամով:
Մանրամասները՝ տեսանյութում:
