Ռուսաստանի Դաշնության նախագահի մամուլի խոսնակ Դմիտրի Պեսկովը հայտնել է, որ Թուրքիայի նախագահ Ռեջեփ Թայիփ Թայիփ Էրդողանն Էրդողանը ներողություն է խնդրել 2015թ. նոյեմբերի 24-ին թուրք-սիրիական սահմանի օդային տարածքում խոցված ռուսական СУ-24 ուղղաթիռը խոցելու համար։ Ներողություն հայտնելուց բացի, Էրդողանն ասել է, որ պաշտոնական Անկարան չէր ուզում փչացնել հարաբերությունները Մոսկվայի հետ։
Անդրադառնալով այս հայտարարությանը, «Առաջին լրատվական»- ի հետ զրույցում Արևելագիտության ինստիտուտի տնօրեն Ռուբեն Սաֆրաստյանը նշեց, որ սա երկկողմանի գործընթաց է. «Վերջին շրջանում նախանաշաններ կային, որ Մոսկվան իր հերթին նախաձեռնություններով էր հանդես գալիս Թուրքիայի հետ հարաբերությունները կարգավորելու առումով, մասնավորապես Թուրքիայի արտգործնախարարին հրավիրեցին՝ մասնակցելու Սոչիում տեղի ունեցող արտգործնախարարների հանդիպմանը»:
Սաֆրաստյանի դիտարկմամբ՝ սա օբյեկտիվ գործընթաց է, այն վաղ թե ուշ պետք է լիներ, քանի որ երկու երկրները թեև ունեն հակադիր շահեր՝ մասնավորապես Սիրիայի հարցի հետ կապված, բայց մյուս կողմից էլ տնտեսական առումով նրանց շահերը շատ դեպքերում համընկնում են:
Մանրամասները՝ տեսանյութում: