Չինաստանում առանց լիցենզիայի տեղեկությունների հավաքման և տարածման համար 31 կայք է արգելափակվել: Ինչպես հայտնում է «Սինխուա» գործակալությունը՝ հղում անելով Համացանցային տեղեկատվության հարցերով պետական բյուրոյին, արգելափակումն իրականացվել է համացանցի չինական հատվածի լրատվական պորտալների աշխատանքի կանոնակարգմանն ուղղված գերատեսչության երկամսյա արշավի արդյունքում:
Գերատեսչության տվյալներով՝ «անօրիանական կայքերը», որոնց թվում են եղել «Ժենմին նեյցանվան» և peoplerw.com.cn պորտալները, չարտոնված գործունեությունից բացի, տարածել են կեղծ տեղեկատվություն ընկերությունների ու առանձին անձանց վերաբերյալ՝ հղում անելով պետական ԶԼՄ-ների տվյալներին:
Պաշտոնատար անձանց խոսքերով՝ լիցենզիա չունեցող կայքերը խարխլել են պետական տեղեկատվական պորտալների վարկանիշը, ինչպես նաև խախտել քաղաքացիների ու իրավաբանական անձանց օրինական իրավունքները:
Բյուրոն կոչ է արել հասարակությանը զգոնություն դրսևորել և հետագայում հայտնել նման խախտումների մասին:
