ԿՀՎ նախկին աշխատակից Էդվարդ Սնոուդենի համար վտանգից զերծ միակ տարբերակը անորոշ ժամկետով Ռուսաստանում մնալն է: Այս մասին գրում է The Washington Post-ը:
Պարբերականի կարծիքով՝ մյուս տարբերակները Սնոուդենի համար կամ արդեն ձախողված են, կամ չափազանց ռիսկային: Նա ստիպված եղավ փախչել Հոնկոնգից, երբ հայտնի դարձավ, որ այնտեղ նա ապաստան չի ստանա: Իսլանդիան, որտեղ ցանկանում էր տեղափոխվել Սնոուդենը, նույնպես պատրաստ չէ ընդունել նրան, քանի որ Իսլանդիայի կառավարությունը չի ցանկանում փչացնել հարաբերությունները ԱՄՆ-ի հետ՝ ասվում է հոդվածում:
Նշվում է, որ Լիբերալ-դեմոկրատական երկրները, ինչպիսիք են, օրինակ, Դանիան կամ Նոր Զելանդիան, կարող են հավանել Սնոուդենին, սակայն հազիվ թե կարողանան ընդունել նրան: Ասվում է նաև, որ Կուբան, Էկվադորը, ամենայն հավանականությամբ, ծրագրավորողին չեն ընդունի տնտեսական նկատառումներից ելնելով:
Հոդվածում ասվում է, որ Ռուսաստանը բավականին մեծ է՝ ԱՄՆ-ի արձագանքից մտահոգվելու համար, և Մոսկվայի ու Վաշինգտոնի միջև այնքան էլ շատ չեն համատեղ նախագծերը:
