Լոնդոնի նոր քաղաքապետ Սադիկ Խանին առաջարկել են անջատվել Մեծ Բրիտանիայից և միանալ ԵՄ-ին: Այս մասին հայտնում է The Daily Mail-ը:
Հանրաքվեի ձայների հաշվարկի արդյունքներով՝ Լոնդոնի բնակիչների մեծ մասը ցանկություն են արտահայտել մնալ ԵՄ կազմում, սակայն ընդհանուր առմամբ երկրում հաղթել են Brexit-ի կողմնակիցները:
Change.org կայքում միջնորդագրի հեղինակը նշել է, որ Լոնդոնը միջազգային քաղաք է, և նրա բնակիչները ցանկանում են մնալ Եվրոպայի սրտում:
Միջնորդագրում քաղաքապետին կոչ են արել հռչակել Լոնդոնի անկախությունը և ներկայացնել ԵՄ ու Շենգենյան գոտի մտնելու հայտ:
«Քաղաքապետ Սադիկ, դուք չէի՞ք ցանկանա դառնալ նախագահ Սադիկ: Եկեք անենք դա»,- եզրափակում է միջնորդագրի հեղինակը: Միջնորդագիրն այս պահին ստորագրել է 92 հազար մարդ:
