Չինաստանում 30-ամյա տղամարդը հանուն սիրո Պեկինի ավտոմայրուղով վազել է 222 կմ՝ 45 ժամում։ Այս մասին հայտնում է Mashable-ը։
Չինացին իր մարաթոնն անվանել է «Հանուն հավատքի և հանուն նրա»։ Վազքից հետո նա պատմել է տեղի լրագրողներին, որ ներկայումս ինքը միայնակ է և հույս ունի այդ կերպ սեր գտնել։
Ողջ վազքի ընթացքում նա հանգստի համար կանգ է առել ընդհանուր առմամբ 3 ժամ։ Նրան վազքի ժամանակ որոշ մարզիկներ են միացել՝ աջակցություն հայտնելու համար։
Նշվում է, որ տղամարդը մասնակցել է բարձրլեռնային արշավների՝ դիմացկությունը զարգացնելու համար։ Նա այնուհանդերձ չի կարողացել գերազացել նախկին ռեկորդը, որը սահմանվել էր նույն երթուղով վազքի համար, որն իրականացվել էր մեկ ժամով ավելի արագ։
Տղամարդը խոստովանել է, որ չի տխրել դրա պատճառով, քանի որ մարտահրավեր էր նետել ինքն իրեն, այլ ոչ թե ծրագրել մրցել որևէ մեկի հետ։
