Թուրքիայի հայ համայնքի անդամները բողոքի ցույց են կազմակերպել Պոլսո Հայոց պատրիարքարանի առջև` պահանջելով պատրիարքի ընտրություններ անցկացնել: Ինչպես հաղորդում է «Արմենպրես»-ը, այս մասին տեղեկացնում է «Ակոս» պարբերականը:
Բողոքարարաների շարքում են եղել Օրթաքյոյի Սուրբ Աստվածածին եկեղեցու հիմնադրամի նախագահ Իսքենդեր Շահինգյոզը, Քալֆայան որբանոցի հիմնադրամի ղեկավար Դիանա Քամփարոսյանը, գրող Ժակլին Չելիքը, ատամնաբույժ Թաթյո Բեբեքը և այլոք: Նրանք պատրիարքարանի դիմաց սև պսակ են թողել «Ուզում ենք ընտրել մեր պատրիարքին» գրությամբ:
«Մենք իրական պատրիարք ենք ուզում, և հենց մենք ենք նրան ընտրելու: 555 տարի ինչպես եղել է, այդնպես էլ պետք է շարունակվի»,- ասել է Ժակլին Չելիքը:
