Կատարի նոր վարչապետ կնշանակվի ներքին գործերի ներկայիս նախարար, շեյխ Աբդալլահ բեն Նասեր Ալ-Թանին: Այս մասին հայտնում է Al-Jazeera-ն:
Երեքշաբթի 33-ամյա շեյխ Թամիմ բեն Համադ Ալ-Թանին Կատարում ընդունել է իշխանությունը հորից՝ Համադ բեն Խալիֆա Ալ-Թանիից, որն ինքնակամ լքել էր գահը:
Այսօր նոր էմիրը ազգին ուղերձ կհղի: Այնուհետև, ինչպես սպասվում է, երկրում կհայտարարվի կառավարության նոր կազմը:
Նախկինում փորձագետները վարչապետի պաշտոնում որպես հավանական թեկնածու համարում էին փոխվարչապետ Ահմեդ բեն Աբդալլա Ալ-Մահմուդին:
