Եվրամիությունը կարող է արտահերթ ֆինանսական օգնություն ցուցաբերել Իտալիային, քանի որ երկրում ֆինանսական ճգնաժամը խորանում է՝ հաղորդում է The Daily Telegraph-ը: Այս մասին ասվում է Mediobanca-ի առաջատար վերլուծաբան Անտոնիո Գուլելմիի գաղտնի գրառման մեջ: Փորձագետի կարծիքով՝ առաջիկա վեց ամիսներին Իտալիային կպահանջվի շտապ օգնություն:
Ինչպես նշվում է գրառման մեջ, վերջին եռամսյակում երկրում մակրոտնտեսական իրավիճակը չի բարելավվել, այլ հակառակը: Վերլուծաբանը համոզված է, որ արտահերթ ֆինանսական օգնությունն անխուսափելի է:
Թերթը հիշեցնում է, որ 2.1 տրիլիոն դոլարի հասնող իտալական պարտքը աշխարհում մեծությամբ երրորդն է՝ ԱՄՆ-ից և Ճապոնիայից հետո:
