ՀՀ ԱԻՆ «Հիդրոմետ» ծառայության օդերեւութաբանության կենտրոնի պետի տեղակալ Գագիկ Սուրենյանը քիչ առաջ համացանցի իր էջում գրառում է կատարել` հայտնելով ՀԽՍՀ ժողովրդական արտիստուհի, երգչուհի Օֆելյա Համբարձումյանի մահվան մասին:
Գրառման մեջ ասվում է. «80 և ավելի տարիներ Ձեր երգով ապրեցրեցիք մի ողջ ժողովուրդ, անգերազանցելի, անկրկնելի մեր Հայոց երգի թագուհի: Աստված հոգիդ լուսավորի, դու և քո երգը հավերժ կմնան հայ ժողովրդի սրտում»: Օֆելյա Համբարձումյանը ծնվել է 1925 թվականի հունվարի 9-ին Երևանում:
1944 թվականից հեռուստատեսության և ռադիոյի ժողովրդական գործիքների անսամբլի մեներգչուհի էր։ 2011 թ. հայ երգարվեստում ունեցած մեծագույն ծառայությունների համար արժանացել է Սուրբ Մեսրոպ Մաշտոցի շքանշանի: Նախորդ տարի հայ հանդիսատեսին ներկայացվեց ռեժիսոր Հայկ Վարդանյանի «Օֆելյա» ֆիլմը` նվիրված սիրելի երգչուհուն:
Ֆիլմն այս տարի կշարունակվի ցուցադրվել սփյուռքի տարբեր գաղթօջախներում:
