ԵՄ-ի հետ Ուկրաինայի ասոցացման մասին համաձայնագրի ստորագրումը, որը ծրագրված է նոյեմբերին Վիլնյուսում կայանալիք «Արևելյան գործընկերության» գագաթնաժողովի շրջանակում, կարող է չկայանալ: ITAR-TASS-ի հաղորդմամբ՝ այս մասին այսօր Լյուքսեմբուրգում հայտարարել է Լեհաստանի արտգործնախարար Ռադոսլավ Սիկորսին, որը մասնակցում է ԵՄ արտգործնախարարների պլանային հանդիպմանը:
«Մենք անցկացնում ենք իրավիճակի մոնիտորինգ՝ հատուկ ուշադրություն դարձնելով երկու ոլորտների՝ ընտրական իրավունքին և դատախազությանը: Որքանով ես գիտեմ, Կիևն այդ բարեփոխումները դեռևս չի անցկացրել: Այդ իսկ պատճառով այսօր արդյունքը կարող է միայն մեկը լինել՝ Ուկրաինան դեռևս պատրաստ չէ»,- ասել է Սիկորսին: «Եթե Ուկրաինան չանի այն, ինչ պետք է, պայմանագիրը չի ստորագրվի»,- ընդգծել է Լեհաստանի ԱԳՆ ղեկավարը:
Ինչպես սպասվում է, կազմակերպության անդամ երկրները այս տարվա սեպտեմբերին որոշում կընդունեն այն մասին, թե Կիևն իրականացրե՞լ է հանրապետությանը ԵՄ-ի առաջադրած հանձնարարությունները, թե՞ ոչ:
