Անցել է 60 տարի, և բրիտանական պաշտպանության գերատեսչությունը նահանջել է՝ «Այլմոլորակայինների գոյության ոչ մի ապացույց»՝ գրում է Էնրիկո Ֆրանչեսկինին La Repubblica թերթում հրապարակված հոդվածում:
Հոդվածում նշվում է, որ ՉԹՕ գոյություն չունի, իսկ եթե անգամ գոյություն ունի, ապա Մեծ Բրիտանիան դադարել է դրանք փնտրել: 60 տարի անարդյունավետ հետաքննությունից հետո որոշում է կայացվել փակել Ministry of Defense Ufo desk-ը՝ ՉԹՕ-ների ուսումնասիրության հարցերով պաշտպանության նախարարության հատուկ ստորաբաժանումը:
«Մի՛ մտածեք, որ խոսքը GCHQ-ի նման մեգակառույցի մասին է՝ բրիտանական էլեկտրոնային ծառայության, որը նման է ամերիկյան ազգային անվտանգության գործակալությանը, լրտեսների մասին, որոնք, ինչպես այժմ հայտնի դարձավ Հոնգկոնգ փախած «խլուրդի» շնորհիվ, հետևում են մեր բոլոր հեռախոսազրույցներին, էլեկտրոնային փոստին, կայքերին, որոնք մենք այցելում ենք, հանուն ահաբեկչության դեմ պայքարի, անվտանգության կամ ով գիտի՝ ինչ նպատակներով: Պարզեցված ստորաբաժանումը կազմված է եղել երկու մարդուց՝ կրստեր սպա և ենթասպա»,- գրված է հոդվածում:
Հոդվածագրի խոսքերով՝ քանի որ այդպես էլ հավաստի տվյալներ ի հայտ չեկան կանաչ մարդուկների մասին, որոնց գլուխներին դրված է ալեհավաք, պաշտպանության նախարարությունը որոշեց տիեզերական տեսուչներին ստանձնել այլ՝ ավելի արդյունավետ աշխատանք:
«Հասկանալով, որ բավարար չէ փակել ստորաբաժանումը, որպեսզի աշխարհը համոզվի նրանում, որ ՉԹՕ գոյություն չունի, պաշտպանության նախարարությունը հանդես եկավ հետևյալ հայտարարությամբ. «Մենք չենք ասում, որ նրանք գոյություն չունեն: Մենք ասում ենք, որ այդպես էլ չենք բացահայտել այլ մոլորակների թշնամական գոյությունը»»,- գրում է հոդվածագիրը և հավելում, որ արտերկրային էակների ժամանման սպասումը շարունակվում է, բայց արդեն առանց Մեծ Բրիտանիայի օգնության:
