Պակիստանի նոր վարչապետ Նավազ Շարիֆը հայտարարել է, որ երկրի նախկին նախագահ Պերվես Մուշարաֆը դատարանի առջև պետք է պատասխան տա պետական դավաճանության համար: Այս մասին հայտնում է Interfax-ը:
«Մուշարաֆի գործողություններն ընկնում են պետական դավաճանության մասին հոդվածի տակ: Նա պետք է կանգնի դատարանի առջև: Մուշարաֆը երկու անգամ խախտել է Սահմանադրությունը: Նա 1999-ին տապալել է նորընտիր կառավարությունն ու ամեն ինչ սպառնալիքի տակ դրել: Նա հեռացրել է դատավորներին ու բանտ նստեցրել»,- ասել է Մուշարաֆը՝ երկրի խորհրդարանին հղված ուղերձում:
2013-ի ապրիլին Պակիստանի անցումային կառավարությունը հրաժարվել է պետական դավաճանության մեղադրանքներ առաջադրել Մուշարաֆի դեմ: Այն ժամանակ կառավարությունը հայտարարել էր, որ սահմանափակ լիազորություններ ունի, և որ այդ հարցով որոշում կընդունի նոր կառավարությունը: Այն ընտրվել է մայիսին:
Մուշարաֆն անցնում է պակիստանյան դատարաններում քննվող երեք գործերով: 2007-ին նախկին վարչապետ Բենազիր Բհուտոյի սպանության մեջ ունեցած ենթադրյալ մասնակցությունից բացի՝ նա մեղադրվում է 2006-ին Բելուջիստան գավառում ազգայնականների առաջնորդ Ակվար Բուգտիի սպանության կազմակերպման, ինչպես նաև 2007-ին մի քանի դատավորների հակաօրինական հեռացումների մեջ:
