2015թ.-ի պետբյուջեն արձանագրել է տնտեսական հետընթաց. այս մասին ԱԺ-ում 2015թ. պետբյուջեի կատարողականի քննարկման ժամանակ հայտարարեց ԱԺ ՀԱԿ խմբակցության քարտուղար Արամ Մանուկյանը: Նա ներկայացրեց Ֆինանսների նախարարության, Վիճակագրական ծառայության պաշտոնական թվերը՝ ասելով, որ 2014թ.-ին բյուջե եկամուտները կազմել են 2.7 միլիարդ դոլար, 2015թ-ին՝ 2.44 միլիարդ դոլար, պետական պարտքը 2014թ.-ին կազմել է 4.4 միլիարդ դոլար, 2015թ.-ին՝ 5.1 միլիարդ դոլար, արտաքին առևտուրը նվազել է 8 տոկոսով, ներմուծումը՝ 21 տոկոսով, կրճատվում են ՓՄՁ-ների թվերը, 26 տոկոսով պակասել են ներդրումները, 40 տոկոսով պակասել են նաև մասնավոր տրանսֆերտները, իսկ ամենակարևորը՝ պակասել են մարդկային ռեսուրսները:
«Կատարվել են ապօրինի արտահանումներ: Հայաստանից դուրս է եկել 1,8 միլիարդ դոլար՝ կապված օֆշորների, մաքսային գործընթացների հետ: Փոխանակ դեմն առնեն, ասում են՝ չկա: Հիմնավորեք կամ դեմն առնելու ձև ասեք: Ինչո՞ւ է Հայաստանից քեշ փողը դուրս գալիս արտասահման»,- նշեց Արամ Մանուկյանը:
Մանրամասները՝ տեսանյութում
