Գերմանիայի նոր ռազմական դոկտրինի նախագծում չկա «հակառակորդ» ձևակերպում Ռուսաստանի հանդեպ՝ հայտարարել է Գերմանիայի պաշտպանության նախարար Ուրսուլա ֆոն դեր Լյայենը՝ փոխանցում է RIA Novosti-ն։
«Ի պատասխան Ձեր կողմից ձևակերպված հարցերի՝ ես կարող եմ հստակ պատասխանել՝ ոչ»,- ասել է նախարարը՝ պատասխանելով հարցին, թե հաստատո՞ւմ է նա արդյոք Ռուսաստանի հանդեպ «հակառակորդ, մրցակից» տերմինների կիրառումը Գերմանիայի նոր ռազմական դոկտրինում՝ «Բունդեսվերի սպիտակ գրքում»։
Նա նշել է, որ Ռուսաստանի հետ փոխհարաբերությունները կարող են բնորոշվել որպես «մարտահրավերներ»՝ ռուսական կողմի կիրառած տերմինների փոխարեն։
Ավելի վաղ Ռուսաստանում Գերմանիայի դեսպան Ռյուդիգեր ֆոն Ֆրիչը հայտարարել էր, որ «Սպիտակ գիրքը» դեռևս չի հրապարակվել, և այնտեղից մեջբերվող ամեն բան շահարկում է։
