Նորզելանդացի երկրաֆիզիկոսները հայտնաբերել են ծածկույթի թանձրացում Փլենթի ծոցի տակ՝ Հյուսիսային կղզու մերձափնյա տարածքում: Դա կարող է երկրաշարժ առաջացնել և արթնացնել քնած Տաուպո հրաբուխը: Ուսումնասիրությունը հրապարակվել է Science Advances ամսագրում:
Մագման, ինչպես ցույց են տվել գիտնականները, ներխուժում է մայրցամաքային ընդերք՝ դրա դեֆորմացիա առաջացնելով: Դա տեղի է ունենում Հյուսիսային կղզու Տաուպոյի հրաբխային գոտուց անմիջական հեռավորության վրա, որը վերջին մի քանի հարյուր տարին է հանգիստ վիճակում:
Ամենաանբարենպաստ պայմանների դեպքում Հյուսիսային կղզին կարող է դառնալ մոլորակի ամենաինտենսիվ հրաբխային ակտիվության վայրը, այդպիսի եզրակացության գիտնականները եկել են եվրոպական Envisat արբանյակի ռադիոտեղորոշիչ ինտերֆերոմետրիայից և GPS-տվյալների ուսումնասիրությունից հետո:
26,5 հազար տարի առաջ տեղի ունեցած Տաուպոյի ժայթքումը ամենախոշորն է Երկրի վրա վերջին 70 հազար տարում:
