Թուրքական Son dakika լրատվական կայքի փոխանցմամբ` քրդամետ «Ժողովուրդների դեմոկրատական» կուսակցության (ԺԴԿ) համանախագահ Ֆիգեն Յուքսեքդաղը դատապարտել է Սահմանադրական դատարանի այսօրվա որոշումը, որը մերժել էր ԺԴԿ-ի ու «Ժողովրդա-հանրապետական» կուսակցության (ԺՀԿ) բողոքը` կապված իրենց պատգամավորների զգալի մասի անձենմխելիությունը վերացնելու հետ:
Յուքսեքդաղը հայտարարել է, որ Թուրքիայի ՍԴ-ն կայացրել է երկրի Սահմանադրության ոգուն հակասող որոշում: Նա ընդգծել է, որ ՍԴ-ի այդ որոշումը բացասական է և իրենք այն որակում են որպես պատմական սխալ. «Մեկ հույս ունեինք, այն էլ կորցրինք: Նմանատիպ որոշումներից Թուրքիան է տուժում» :
