Պաղեստինի ԱԳ նախարար Ռիյադ ալ-Մալակին հունիսի 6-7-ին կայցելի Մոսկվա, որի շրջանակներում նա կհանդիպի իր ռուս գործընկեր Սերգեյ Լավրովի հետ, հայտնում է RIA Novosti-ն:
«Արտաքին գործերի նախարար Ռիյադ ալ-Մալիկին այցով կժամանի Մոսկվա հունիսի 6-ին, դա տեղի կունենա մերձավորարևելյան կարգավորման հարցով Փարիզի կոնֆերանսից հետո: Նախարարը ռուսական կողմի հետ կքննարկի կոնֆերանսի արդյունքները և Ռուսաստանի դերը մերձավորարևելյան հակամարտության կարգավորման մեջ, և երկկողմ ջանքերի կոորդինացումը: Ալ-Մալիկին կհանդիպի ԱԳ նախարար Լավրովի հետ հունիսի 7-ին, հանդիպումից հետո կկայանա մամլո ասուլիս»,- ասել է Մոսկվայում Պաղեստինի դեսպան Աբդել Հաֆիզ Նոֆալը:
Ավելի վաղ հաղորդվել է, որ ՌԴ նախագահ Վլադիմիր Պուտինը հունիսի 7-ին կբանակցի Իսրայելի վարչապետ Բենիամին Նեթանյահուի հետ:
