Իրանական IRNA լրատվական գործակալության փոխանցմամբ՝ Իրանի նավթարդյունաբերության նախարար Նամդար Բիժան Զանգանեն հայտարարել է, որ նավթի համաշխարհային շուկան վերադառնում է հավասարակշռված վիճակի:
Զանգանեն այս հայտարարությունն արել է վաղը Վիեննայում մեկնարկելիք ՕՊԵԿ-ի 169-րդ նստաշրջանից առաջ. «Անցած տարվա դեկտեմբերին տեղի ունեցած ՕՊԵԿ-ի նախորդ հանդիպումից հետո Իրանը կրկնապատկել է նավթի արտահանումը:
Սակայն այդ մեծացումը բացասաբար չի ազդել համաշխարհային շուկայի վրա: Ընդհակառակը, շուկան ներկայումս գտնվում է դեպի հավասարակշիռ վիճակ վերադարձ կատարելու ճանապարհին»:
Խոսելով ՕՊԵԿ-ի դերի մասին՝ Զանգանեն հայտարարել է, որ այդ կազմակերպությունը պետք է կատարի կարգավորողի դեր և միջոցներ ձեռնարկի շուկայում անկայունություն դեպքում՝ դրա հետ մեկտեղ հաշվի առնելով իր անդամների շահերը:
