Գերմանիայի խորհրդարանի մի շարք պատգամավորներ վերջին օրերին էլեկտրոնային փոստով սպառնալիքներ և վիրավորանքներ են ստացել` կապված օրինագիծ ընդունելու պլանի հետ, որտեղ Օսմանյան կայսրությունում հայերի մասսայական սպանությունները անվանված են ցեղասպանություն, հայտնում է Spiegel Online պարբերականը:
«Յուրաքանչյուր ֆրակցիայում խոստովանել են, որ իրենց պատգամավորները` հատկապես թուրքական արմատներով, վիրավորանքներով նամակներ են ստացել»,- նշում է Spiegel-ը: Բանաձևի նախագծի հեղինակ, «կանաչների» համանախագահ Ջեմ Օզդեմիրը հայտնել է, որ ուղերձներում, ուղարկված էլեկտրանային փոստով, Facebook սոցցանցում և Twitter-ում, անհայտ անձինք իրեն անվանել են «դավաճան», «հայ ահաբեկիչ» և նույնիսկ «նացիստ»:
Մի քանի լրագրողներ, ովքեր այդ թեման լուսաբանելուց օգտագործել են «ցեղասպանություն» բառը, ստացել են սպառնալիքներ հետևյալ պարունակությամբ. «Քեզ պետք է վերացնել», «Դու կմեռնես ինչպես Հրանտ Դինքը»:
Փաստաթուղթը կրում է «Ճանաչել 101 տարի առաջ Օսմանյան կայսրությունում հայերի և այլ քրիստոնյա փոքրամասնությունների Ցեղասպանությունը»: Բունդեսթագը պլանավորում է քննարկել այդ բանաձևի նախագիծը հունիսի 2-ին: «Ցեղասպանություն բառը այնտեղ հանդիպում է չորս անգամ»:
