Armtimes.com-ի փոխանցմամբ՝ երրորդմասցի Լյովիկի և նրա երկու ընկերների սպանության գործով դատական նիստն այսօր ուղեկցվել է միջադեպերով։
Սպանված Երրորդմասցի Լյովիկի հայրը՝ Միհրան Ղազարյանը դատարանում անհարգալից վերաբերմունք է դրսևորել գործով ամբաստանյալների պաշտպան Լուսինե Սահակյանի նկատմամբ: Մասնավորապես, տուժողի հայրը Սահակյանին ասել է, որ հեռու նստի ամբաստանյալներից և «չփաթաթվի հանցագործին»: Փաստաբանը պահանջեց հարգալից խոսել, սակայն նա կրկին շարունակեց վիրավորել նրան:
Նիստը նախագահող դատավոր Արտուշ Գաբրիելյանը նախազգուշացրել է տուժողի իրավահաջորդին, ինչից հետո տուժողի հայրը կրկնեց նույն արտահայտությունը՝ այս անգամ ավելացնելով, որ պաշտպանական կողմը նիստի ժամանակ ծիծաղում է. ի վերջո սպանության գործ է: Նկատենք, որ դահլիճում ներկա գտնվողների և դատավարության մասնակիցների մոտ ծիծաղ էր առաջացրել վկա Վահագն Մնացականյանի հակասական ցուցմունքները:
Դատարանը տարեց տղամարդուն կրկին նախազգուշացրեց՝ հավելելով, որ կրկնվելու դեպքում սանկցիա կկիրառի: «Ես հարգում եմ ձեր սպիտակ մազերը, բայց խնդրում եմ հաջորդ անգամ չխանգարել նիստը»,-ասել է դատավորը:
Մանրամասները՝ սկզբնաղբյուր կայքում
