Առողջապահության համաշխարհային կազմակերպությունը (ԱՀԿ) 1988 թվականին մայիսի 31-ը հայտարարել է Առանց ծխախոտի համաշխարհային օր (World No Tobacco Day): Այս մասին հայտնում է calend.ru-ն:
ԱՀԿ-ն և գործընկերները ամեն տարի նշում են այդ օրը՝ ուշադրություն հրավիրելով առողջության համար ծխախոտի օգտագործման վտանգավորությանը և պետություններին կոչ անելով արդյունավետ քաղաքականություն կիրառել ծխախոտի օգտագործման մասշտաբները նվազեցնելու համար:
Մայիսի 31-ին հասարակական և երիտասարդական կազմակերպությունների ուժերով անցկացվում են առողջ ապրելակերպի և ծխելուց հրաժարվելու քարոզչական տարբեր ակցիաներ և զանգվածային միջոցառումներ:
Ամեն տարի այս օրը անցնում է որոշակի կարգախոսներով: Օրինակ՝ «Ծխախոտը և աղքատությունը. Արատավոր շրջան», «Երիտասարդությունը առանց ծխախոտի», «Հակազդում ծխախոտային արդյունաբերությանը» և այլն:
