Երկուշաբթի Էստոնիայում սկսվել են ՆԱՏՕ-ի խոշոր Saber Knight զորավարժությունները, որոնց կմասնակցեն ավելի քան 600 զինծառայողներ դաշինքի 6 երկրներից։ Այս մասին հայտնում է TASS գործակալությունը։
Նշվում է, որ զորավարժությունների հիմնական խնդիրն է Բալթյան երկրներում ռազմական գործողությունների ծրագրման և անցկացման հմտությունների մշակումը։
Մանևրումներին, որոնք անցկացվում են Տապա քաղաքում, մասնակում են զինծառայողներ Մեծ Բրիտանիայից, Դանիայից, Լատվիայից, Լիտվայից, ԱՄՆ-ից և Էստոնիայից։ Նրանք, համաձայն վարժանքների լեգենդի, պետք է հետ մղեն մտացածին պետության՝ Բոտնիայի հարձակումը։
Saber Knight-ը կդառնա նախաբան հունիսի 13-ին սկսվելիք Saber Strike խոշոր մանևրումների համար, որոնց կմասնակցեն 10 հազար զինծառայողներ 13 երկրներից։ Զորավարժությունների շրջանակում կմշակվի փոխգործակցություն ցամաքային և ռազմաօդային ուժերի ստորաբաժանումների միջև:
