Պետեկամուտների կոմիտեի հրապարակած տվյալների համաձայն՝ Հայաստանում նվազագույն աշխատավարձ ստանում են 160 հազար քաղաքացիներ, որոնցից 90 հազարը՝ ոչ պետական, 70 հազարը՝ պետական սեկտորի աշխատակիցներ: Այսօր կայացած ԱԺ արտահերթ նիստում այս մասին հայտարարեց ՀՀ աշխատանքի և սոցիալական հարցերի նախարար Արտեմ Ասատրյանը՝ անդրադառնալով 2013 թվականի հուլիսի 1-ից նվազագույն աշխատավարձը բարձրացնելու թեմային:
Նախարարն իր ելույթում խիստ կարևորեց արդեն հաջորդ ամսվա սկզբից նվազագույն աշխատավարձի բարձրացման հանգամանքը:
Հիշեցնենք, որ կառավարությունը հունիսի 6-ի նիստում հավանություն էր տվել օրենսդրական փաթեթին, որով առաջարկվում էր նվազագույն աշխատավարձը 35 հազար դրամից բարձրացնել մինչև 45 հազար դրամ:
