Բրիտանացի քաղաքագետ, Լեռնային Ղարաբաղի հակամարտության մասին հետազոտական աշխատանքի հեղինակ Թոմաս դե Վաալը պատրաստել է «Սև այգի» գրքի թարմացված տարբերակը, որը հրատարակչությունից դուրս կգա վաղը:
«Ինձ մոտ առաջանում է տխուր հարց, ավելի շուտ՝ հռետորական. ինչու՞ հակամարտությունը չլուծվեց անցած 20 տարիների ընթացքում: Ցավոք սրտի, հակամարտությունների մեծ մասը չեն լուծվում դիվանագիտական ուղով, դրանք անցնում են նոր փուլ՝ կա՛մ քաղաքական, կա՛մ ռազմական: Ես երկրորդ տարբերակն աղետալի եմ համարում բոլորի համար»,- գրել է նա Facebook սոցիալական կայքի իր էջում:
«Սև այգի» գրքի առաջին հատորի (2005 թ.) նախաբանում Թոմաս Դե Վաալը գրել է, որ իրեն հետապնդում է միտքն այն մասին, որ Լեռնային Ղարաբաղի չլուծված հակամարտության շուրջ ստեղծված իրավիճակը, որին նվիրված է տվյալ գիրքը, փոխանակ լավանալու, ավելի տագնապալի է դառնում:
«Այն, որ այս խնդրի խաղաղ լուծումն անհրաժեշտ նախադրյալ է ոչ միայն Հայաստանի և Ադրբեջանի զարգացման համար, այլ նաև մաբողջ տարածաշրջանի, հասկանալի է բոլորին: Սակայն դրական տեղաշարժեր դեռևս չկան»,- ասվում է նախաբանում:
