Սալվադոր Դալիի՝ շուկային անհայտ ջրաներկով արված 14 նկարները երեկ Bonhams աճուրդի տանը վաճառվել են 726 հազար 700 ֆունտ-ստեռլինգով՝ RIA Novosti-ին հայտնել է աճուրդի տան կազմակերպիչը:
«Մրգային Դալի» (FruitDali) շարքի նկարներում նկարիչը «խաղում» է 19-րդ դարի բուսաբանական գիտական վիմագրության հետ՝ պատկերելով բուսական տարրեր, որոնք հատուկ են սյուրռեալիզմին:
Մանրակրկիտ նկարված բույսերի տերևները դիտողին «նայում են» մարդկային աչքով:
«Նկարների շարքը հետաքրքրություն է հարուցել ամբողջ աշխարհի հավաքորդների մոտ, ինչի վկայությունն են գնորդների միջև «պատերազմները», որոնք աճուրդին մասնակցել են հեռախոսով կամ համացանցով»,- ասել է աճուրդի տան ներկայացուցիչը՝ հավելելով, որ յուրաքանչյուրի նկարի առավելագույն արժեքը կազմել է 91.25 հազար ֆունտ-ստեռլինգ:
Նկարները, ստեղծումից ի վեր՝ 1968թ., եղել են մասնավոր հավաքածուում:
