Մայրաքաղաքային ոստիկանությունը ստիպված չի եղել Թուրքիայի արհմիությունների ակտիվիստների ցրման համար միջոցներ ձեռնարկել: Այսօր մի քանի հազար մարդ է մասնակցել Անկարայի կենտրոնական Կիզիլայ հրապարակի մերձակայքում անցկացված ակցիային:
Ցուցարարները ցանկացել են մինչև հրապարակ երթ կազմակերպել, բայց ոստիկանությունը փակել է նրանց ճանապարհը, քանի որ նահանգապետն արգելել է ցանկացած բնույթի ակցիաներ անցկացնել Կիզիլայում՝ պետական հաստատություններին մոտ գտնվելու պատճառով:
Անվտանգության ուժերը փակել են փողոցները մի քանի ավտոմեքենաներով, ջրցան մեքենաներով և զգուշացրել են ցուցարարներին չփորձել անցնել հրապարակ:
Դրա հետ մեկտեղ, Ստամբուլում ևս կկայանա արհմիությունների հանրահավաք, որի մասնակիցները նույնպես մտադիր են երթով անցնել Թաքսիմ հրապարակ: ՆԳՆ-ի նահանգապետն այդ կապակցությամբ հայտարարել է, որ Թաքսիմում ցանկացած զանգվածային ակցիա ապօրինի կհամարվի, և ոստիկանությունը կարող է ուժ գործադրել:
Արհմիությունների հարյուրավոր անդամներ սկսել են հավաքվել Իզմիրում, որտեղ ոստիկանությունը նույնպես սկսել է անվտանգության միջոցառումներ ձեռնարկել:
