Կանադայի՝ մեծությամբ երկրորդ քաղաք Մոնրեալի քաղաքապետ Մայքլ Էփլբաումը կոռուպցիոն կասկածանքով ձերբակալվել է:
Ինչպես հայտնում է France Presse գործակալությունը՝ հղում անելով քննությանը մոտ աղբյուրին, ձերբակալված քաղաքապետին հարցաքննություն է սպասվում, որից հետո կարող է վճռվել նրան կալանքի տակ պահելու ժամկետի երկարացման հարցը:
Քվեբեկ նահանգի խոշորագույն քաղաքում կոռուպցիոն սկանդալը ծագել է անցած տարվա աշնանը և նոյեմբերին հանգեցրել նախկին քաղաքապետ Ժերալդ Տրամբլեի պաշտոնանկությանը: Այդ ժամանակ ականատեսներից մեկը, որը ելույթ էր ունեցել Քվեբեկում շինարարության ոլորտում կոռուպցիայի հետաքննման հատուկ հանձնաժողովի առջև, պատմել էր, որ Տրամբլեի Union Montreal կուսակցությունը կաշառք է առաջարկել մունիցիպալ պաշտոնյաներին այս կամ այն շինարարական պայմանագիրը ստորագրելու համար:
