«Ապրիլի 2-4-ն ընկած ժամանակահատվածում՝ պատերազմական իրադարձությունների ժամանակ քննարկվում էր կորցրած դիրքերի հարցը. վերադարձնելու հնարավորություն կար, պարզապես մեզ համար ամեն մի զինվորի կյանքն ամենաբարձր արժեքն է, և ԼՂՀ ռազմաքաղաքական ղեկավարությունը նպատակահարմար չգտավ, որ նման գործողությունների դիմի, որովհետև, ըստ էության, այդ հատվածները ստարտեգիական նշանակություն չունեն»,- «Առաջին լրատվական»- ի հետ զրույցում ասաց ԼՂՀ ԱԺ փոխխոսնակ Վահրամ Բալայանը:
Նա նաև հավելեց. «Ճիշտ է, մենք ինչ-որ հենակետեր զիջեցինք թշնամուն, սա փաստ է, չենք կարող ժխտել, բայց չեմ կարծում, որ դրա համար մենք նոր կորուստներ պիտի ունենայինք՝ մարդկային և տեխնիկական»:
Վահրամ Բալայանի հավաստմամբ՝ ԼՂՀ բանակը, ազգաբնակչությունը պատրաստ են ամեն մի ոտնձգության համարժեք պատասխան տալ. «Աստված չանի, եթե ռազմական գործողություններ լինեն, այս անգամ արդեն կտեղափոխվեն հակառակորդի տարածքներ»:
Մանրամասները՝ տեսանյութում:
