«Վերջերս շատ եմ լսում մեղադրանքներ, թե Հայաստանի այս վիճակի համար մեղավորը ընդդիմությունն է և հատկապես՝ մենք»: Խոսելով արտագաղթի պատճառների մասին՝ այսօր Մամուլի ազգային ակումբում հրավիրված քննարկմանն ասաց «Ժառանգություն» կուսակցության փոխնախագահ Արմեն Մարտիրոսյանը:
«Իշխանությունները, ճիշտ է, ժողովրդին ոչինչ չեն խոստացել:
Ես շատ լավ տարբերում եմ խոպանչու դեմքն ու գաղթողի դեմքը. այսօր այստեղ համատարած գաղթ է: Ես համաձայն եմ տիկին Ալավերդյանի հետ՝ խնդիրը սոցիալական չէ, սա քաղաքական խնդիր է, մարդիկ այստեղից արտագաղթում են անարդարությունից»:
Նա նշեց, որ աշխատանքային այցով Հոլանդիա էր մեկնել և զրուցելով միգրանտների հարցերով զբաղվող մարդկանցից մեկի հետ՝ նման կարծիք է լսել. «Հայերի հետ կապված խնդիր չունենք, հինգ տարվա մեջ ձուլվում և հարմարվում են, եթե նույնիսկ իրենք չէ, ապա իրենց երեխաները մաքուր հոլանդացի են դառնում:
Հանգիստ թողեք Գալուստ Սահակյանին, այդ մարդը ճիշտ է ասում, ինչ ասում է՝ դեռ քիչ է ասում, որովհետև հինգ տարվա մեջ այդ մարդն ինչ արել է, չի պատժվել»:
Լուսանկարը՝ PanARMENIAN Photo-ի
