Թուրքիայի սոցիալ-դեմոկրատական կուսակցության նախագահ Ռիդվան Թուրանն անցած գիշեր ձերբակալվել է Ստամբուլում՝ իշխանության բռնի տապալման կոչի, ինչպես նաև ոստիկանության աշխատակիցներին չհնազանդվելու համար: Այս մասին հայտնում է Haqqin.az-ը:
Գիշերային հատուկ օպերացիայի ընթացքում իրավապահ մարմինները կուսակցության գրասենյակում, Թուրանից բացի, ձերբակալել են նաև այդ կազմակերպության 4 ակտիվիստների: Գրասենյակի դուռը կնքվել է ոստիկանության աշխատակիցների կողմից:
Գիշերը Ստամբուլում և Անկարայում ձերբակալվել են ավելի քան 500 ակտիվ ցուցարարներ: Սոցիալ-դեմոկրատական կուսակցության ակտիվիստներից մեկը Twitter-ում գրել է, որ «Թուրքիայում հաստատվել է վայրագ բռնատիրություն», և օգնության կոչեր է արել:
