Նախորդ դարի 80-ական թվականներին ԱՄՆ-ն եւ Պակիստանը մասնակցել են Աֆղանստանում խորհրդային զորքերի դեմ ջիհադին: 1979 թվականից մինչև 1989 թվականը մենք սկսեցինք ջիհադ խորհրդային զորքերի դեմ,- հայտարարել է Փերվեզ Մուշարաֆը Ատլանտյան խորհրդում (Atlantic Council) ունեցած ելույթում: Մենք դա ջիհադ ենք անվանում, որովհետև սովետների դեմ պայքարում ցանկանում էինք ներգրավել աշխարհի մոջահեդներին: Մենք նաև մեզ մոտ պատրաստում և զինում էինք թալիբներին` այնուհետև տեղափոխելով նրանց Աֆղանստան,- ԻՏԱՐ-ՏԱՍՍ-ի փոխանցմամբ` ասել է նախկին նախագահը: Այս ելույթը Մուշարաֆի առաջին հանրային ելույթն է նախագահի պաշտոնը լքելուց ի վեր: Վերջինս չի բացառում, որ կարող է վերադառնալ մեծ քաղաքականություն: «Ես կարծում եմ, որ պետք է մասնակցել երկրի քաղաքական կյանքին»,- ասել է նա` հիշեցնելով 2013 թվականի ընտրությունները: Մուշարաֆը ցանկանում է «ներկայացնել այլընտրանք, որը կարող է օգտակար լինել Պակիստանի համար»:
