Նյու Յորքի անշարժ գույքի շուկայի ամենաակտիվ խաղացողներից մեկի՝ Փիթեր Մալքինի ընտանիքին հաջողվել է ձեռք բերել բավարար քանակությամբ բաժնետերերի համաձայնությունը՝ Empire State Building-ի բաժնետոմսերն աճուրդի հանելու գործընթացը նախաձեռնելու համար: Այս մասին հաղորդում է Vesti-ն:
Ինչպես հաղորդվում է, Empire State Building-ի վարձակալների թվին են պատկանում այնպիսի ընկերություններ, ինչպիսիք են՝ LinkedIn Corp.-ը, Federal Deposit Insurance Corp.-ը և Coty Inc.-ը:
Մասնավոր ընկերության բաժնետերերը, որոնք հանդիսանում են Empire State Building հայտնի շինության սեփականատերը, հաստատել են երկնաքերի վաճառքի ծրագիրը IPO-ի շրջանակներում:
Գործարքին աջակցել է բաժնետերերի ավելի քան 80%-ը, որի շրջանակներում ստեղծվում է Empire State Realty Trust ընկերությունը: Վերջինս, բացի Empire State Building-ից, ևս 20 անշարժ գույքի սեփականատեր է:
Empire State Realty Trust-ը նախատեսում է հավաքել 1 միլիարդ դոլար, ինչը կլինի ԱՄՆ-ում մեծությամբ երկրորդ IPO-ն այն բանից հետո, երբ 2006թ. Douglas Emmett Inc.-ը հավաքեց 1.6 միլիարդ դոլար:
