Ւրանում անցկացվող նախագահական ընտրությունների քվեարկության ժամանակը կարող է երկարացվել, վերջնական որոշում կընդունվի երեկոյան՝ հայտարարել է Իրանի ներքին գործերի նախարար Մուստաֆա Մուհամադ-Նաջարը: Այս մասին հայտնում է RIA Novosti-ն:
Այսօր Իրանում անցկացվում են 11-րդ նախագահական ընտրությունները: Երկրում ընտրատեղամասերը բացվել են տեղի ժամանակով առավոտյան ժամը 8:00-ից (Երևանի ժամանակով՝ ժամը 7.30-ին) և կաշխատեն մինչև ժամը 18: 00-ը (Երևանի ժամանակով՝ ժամը 17.30-ը): Նախագահի պաշտոնի համար պայքարում է 6 թեկնածու:
Նախարարի խոսքով՝ համաձայն օրենքի՝ ընտրություններին քվեարկությունը կազմում է 10 ժամ, սակայն անհրաժեշտության դեպքում նախարարի որոշմամբ ժամկետը կարող է երկարացվել:
«Հաշվի առնելով այն, որ ընտրողների թիվը վերջին երեք ժամերին մեծացել է, ենթադրում ենք, որ քվեարկության ժամանակը կերկարացվի, սակայն նման որոշումը կընդունվի քվեարկության ավարտից կարճ ժամանակ առաջ»,- ասել է նախարարը:
Նաջարը հավելել է, որ ընտրությունների արդյունքները հայտարարելու իրավունքը վերապահված է Իրանի ՆԳՆ-ին կից ընտրական շտաբին և նախարարին:
