Իրանում այսօր մեկնարկել են 11-րդ նախագահական ընտությունները: Իսլամական հանրապետության ներքին գործերի նախարար Մուստաֆա Մուհամմադ-Նաջարը հայտարարել է, որ ընտրությունների ընթացքում ենթադրյալ խախտումների մասին ցանկացած բողոք մանրամասնորեն կքննվի: Այս մասին հայտնում է RIA Novosti-ն:
Այսօր Իրանում բացվել են 60 հազար ընտրատեղամասեր: Նախագահի պաշտոնի համար պայքարում է 6 թեկնածու:
Նախարարի խոսքերով՝ Ներքին գործերի նախարարությանը կից ընտրական շտաբը պատրաստ է բողոք-հայտերի ընդունմանը: ՆԳՆ տվյալներով՝ ընտրություններին մասնակցելու իրավունք ունի 50.5 մլն քաղաքացի:
Արդեն բոլոր թեկնածուները մասնակցել են քվեարկությանը։ Առավոտյան ժամերին ընտրողների մեծ ակտիվություն չի նկատվել, սակայն ըստ կանխատեսումների՝ քվեարկությանն ընտրողների մասնակցությունը կարող է գերազանցել 60 տոկոսը: 2009-ին մասնակցությունը կազմել է 85 տոկոս:
