Մոսկվան պատրաստ է առաջիկա ամիսներին համաձայնություն ձեռք բերել Թբիլիսիի հետ մուտքի արտոնագրի՝ վիզայի ռեժիմի հեշտացման վերաբերյալ: Ինչպես հաղորդում է RIA Novosti-ն, այս մասին հայտարարել է Ռուսաստանի ԱԳ փոխնախարար Գրիգորի Կարասինը:
«Մուտքի արտոնագրի ռեժիմի մեղմացման մասին երկխոսությունը շարունակվում է, և մենք մտածում ենք ինչպես շատացնենք այն մարդկանց թիվը, որոնք մուտքի արտոնագիր են ստանում հրավերով, այն դարձնենք ավելի ճկուն: Սակայն այս պայմաններում, երբ չկան դիվանագիտական հարաբերություններ երկրների միջև, ժամանակավրեպ է խոսել մուտքի արտոնագրի չեղյալ հայտարարելու մասին»,- ասել է նա:
Կարասինի խոսքերով՝ Մոսկվան և Թբիլիսին մուտքի արտոնագրի ռեժիմի մեղմացման մասին որոշում կընդունեն առաջիկա ամիսներին: