Թուրքիայի վարչապետ Ռեջեփ Թայիփ Էրդողանը դիմել է Ստամբուլի Թաքսիմ հրապարակի երիտասարդությանը և նրանց ծնողներին` կոչ անելով հեռանալ այգուց և իշխանություններին «մենակ թողնել» անօրինական խմբավորումների հետ, որոնք գործում են ցուցարարների շրջանում, հաղորդում է NTV-ն:
«Այնտեղ (Գեզի այգում-1in.am) գործում են անօրինական խմբավորումներ: Դիմում եմ իմ այն արդար եղբայրներին ու քույրերին` բնության պաշտպաններին. մի՛ վշտացրեք մեզ ավելի շատ, մենակ թողեք մեզ այս ահաբեկչական կազմակերպությունների հետ, հեռացե՛ք այստեղից: Մենք կմաքրենք Գեզի այգին և կփոխանցենք այն տերերին: Իսկ դրա տերն ամբողջ Ստամբուլն է, Ստամբուլի բնակիչներն ու զբոսաշրջիկները, որոնք գալիս են այդտեղ»,- ասել է վարչապետը:
Էրդողանը դիմել է երիտասարդ ցուցարարների ծնողներին՝ կոչ անելով ազդել իրենց երեխաների վրա և տանել նրանց Թաքսիմից։
«Ես զգուշացնում եմ ձեզ վերջին անգամ, ծնողնե՛ր, խնդրում եմ՝ պաշտպանեք ձեր երեխաներին: Մենք այլևս չենք սպասի»,- հավելել է վարչապետը:
