«Մենք բոլորս գիտենք, որ Արցախն առանձին, անկախ հանրապետություն է և այլևս չի կարող լինել Ադրբեջանի կազմում: Հետագայում Արցախի ժողովուրդը կորոշի՝ միանա Հայաստանին, թե ոչ»,- «Առաջին լրատվական»- ի հետ զրույցում ասաց ՀՀ պաշտպանության նախարարի խորհրդական Արմեն Սարգսյանը՝ անդրադառնալով ԼՂՀ անկախության ճանաչման խնդրին:
«Պաշտպանության նախարարության, Ղարաբաղի պաշտպանության բանակի աջռև դրված բոլոր խնդիրները կատարվում են և կկատարվեն»,- վստահեցրեց Ա. Սարգսյանը՝ հավելելով, որ չորսօրյա պատերազմի ընթացքում ի հայտ եկած թերությունները վերացվել են:
Նրա խոսքով՝ պետք չէ քննադատել բանակին, զինվորին. «Եվ այն լրատվամիջոցները, որոնք ձվի մեջ մազ են փնտում, զինվորի «դուխը» գցում են: Մեր զինվորն այսօր ճիշտ տեղում, ճիշտ ժամանակին կատարում է իր առջև դրված բոլոր խնդիրները»,- նշեց Ա. Սարգսյանը:
Նրա գնահատմամբ՝ Ադրբեջանի կողմից ռազմական ագրեսիայի, լայնամասշտաբ պատերազմի վերսկսումը բացառված չէ. «Մենք միշտ պատրաստ ենք դիմակայելու, ավելի դժբախտ վիճակում կհայտնվեն ադրբեջանցիները, մենք կորցնելու ոչինչ չունենք այն պարագայում, երբ որ մենք պաշտպանում ենք մեր հայրենի հողը, իսկ իրենք չգիտեն, թե ինչի համար են կռվում»:
Մանրամասները՝ տեսանյութում:
