ԼՂՀ Ազգային ժողովում մայիսի 7-ին տեղի ունեցավ ՀՀ և ԼՂՀ խորհրդարանների արտաքին հարաբերությունների և պաշտպանության, ազգային անվտանգության ու ներքին գործերի (օրինապահպանության) մշտական հանձնաժողովների համատեղ դռնփակ նիստը`«Ապրիլյան պատերազմի հետևանքով ստեղծված ռազմաքաղաքական իրադրությունը և դրանից բխող գործողությունները» թեմայով:
ԱԺ արտաքին հարաբերությունների մշտական հանձնաժողովի նախագահ Արտակ Զաքարյանի հավաստմամբ՝ ԼՂՀ անկախության ճանաչման հարցի շուրջ ևս քննարկումներ են եղել. «Չէի ասի, թե միասնական դիրքորոշում կա, կան տարբեր ձևակերպումներ, այնուամենայնիվ բոլորս այն եզրահանգման ենք եկել, որ եթե Ադրբեջանը շարունակի ռազմական ագրեսիան և չվերացնի այն բոլոր սպառնալիքները, որոնք ուղղված են ԼՂՀ-ի բնակչության դեմ, բնականաբար ՀՀ-ի համար շատ ողջամիտ և տրամաբանական կլինի համապատասխան գործողություններ իրականացնելը, այդ թվում նաև ԼՂՀ անկախության ճանաչման միջոցով»:
«Այսօր դեռևս այդ միջավայրը չունենք, և մեզ համար դեռևս օրակարգային խնդիր է Մինսկի խմբի ձևաչափը պահպանելը»,- «Առաջին լրատվական»- ի հետ զրույցում նշեց Ա. Զաքարյանը՝ հավելելով, որ խնդրի բանակցային, խաղաղ կարգավորման տարբերակը դեռևս հնարավոր է:
Մանրամասները՝ տեսանյութում:
