Ռուսական RIA Novosti լրատվական գործակալության փոխանցմամբ՝ Եվրոպական խորհրդարանի ու Եվրոպական հանձնաժողովի ղեկավարներ Մարտին Շուլցը և Ժան Կլոդ Յունկերը հուսով են, որ Թուրքիայի նոր վարչապետը կշարունակի ԵՄ հետ կառուցողական համագործակցությունը, ինչպես դա արել է Ահմեթ Դավութօղլուն:
Շուլցն ու Յունկերը Հռոմում կազմակերպված մամուլի ասուլիսի ժամանակ հայտարարել են. «Մենք ուշադրություն ենք հատկացրել այն նորությանը, որ վարչապետ Ահմեթ Դավութօղլուն հրաժարական է տալու: Ինձ համար Ահմեթ Դավութօղլուն եղել է ԵՄ-ի ու Թուրքիայի միջև առավել հուսալի ու կառուցողական գործընկերներից մեկը:
Դավութօղլուն պարզապես գործընկեր չի եղել բանակցություններում ու մյուս հարցերում: Նա այնպիսի մարդ էր, ով խորամուխ էր լինում դետալների մեջ, և պնդում էր փոխադարձությունն ու փոխադարձ հարգանքը»:
