Ճապոնիայի All Nippon Airlines (ANA) ավիաընկերության Boeing 787 Dreamliner-ով ներքին չվերթը հետաձգվել է հայտնաբերված անսարքության պատճառով: Այս մասին հաղորդում է «Կիոդո» գործակալությունը:
Ինքնաթիռը Յամահուտի պրեֆեկտուրայից պետք է թռչեր Տոկիո, սակայն հայտնաբերվել են անսարքություններ: Պարզվել է, որ թռիչքից առաջ չի աշխատել ինքնաթիռի աջ շարժիչը: Ուղևորները տեղափոխվել են այլ չվերթներով:
Հիշեցնենք, որ նախօրեին խնդիրների պատճառով ANA ընկերությունը 6 ժամով հետաձգել է Boeing 787-ով իրականացող Տոկիո-Սինգապուր չվերթը: Եվս մեկ չվերթ հետաձգվել է երկուշաբթի օրը:
