Հեծանիվ քշելն ու զբոսանքները կարող են փոխհատուցել առողջության վրա բացասական ազդեցությունը, որ ունենում է աղտոտված օդը: Այս մասին ասվում է Քեմբրիջի համալսարանի գիտնականների հետազոտության մեջ, որը հրապարակվել է Preventive Medicine ամսագրում:
Ըստ գիտնականների՝ պարբերական ֆիզիկական վարժությունները նվազեցնում են դիաբետի, սրտանոթային հիվանդությունների և քաղցկեղային ուռուցքների որոշ տեսակների առաջացման ռիսկը:
Հետազոտության համաձայն՝ քայլքն ու հեծանիվ քշելն օգտակար են նույնիսկ շատ աղտոտված օդով քաղաքներում: Առողջապահության համաշխարհային կազմակերպության տվյալների բազայում ընդգրկված քաղաքների միայն 1%-ն է աշխարհում, որոնց օդն այնքան աղտոտված է, որ առողջության համար ռիսկերն ավելի մեծ են, քան քայլքի և հեծանվի օգուտը:
