Մադրիդի «Ռեալ»-ի ֆուտբոլիստ Կարիմ Բենզեման հայտնել է, որ չի լքելու «արքայական ակումբ»-ն ամառային տրանսֆերային պատուհանի ընթացքում:
«Իհարկե, ես մնում եմ: Երջանիկ եմ «Ռեալ»-ում և չեմ պատրաստվում հեռանալ: Ձգտում եմ տիտղոսներ նվաճել, սակայն իմ կարծիքով` մենք պետք է փոքր-ինչ հանգստանանք:
Ավարտված մրցաշրջանը տարբերվում էր նախորդից: 2011/12 թվականների մրցաշրջանում ես 30 գոլ էի խփել, իսկ 2012/13-ի ընթացքում միայն 20-ը:
Շարունակե´ք աջակցել մեզ, և առաջիկա մրցաշրջանում մենք ջանք չենք խնայի: Կփորձենք երկրի չեմպիոն դառնալ և, իհարկե, նվաճել Չեմպիոնների Լիգայի գավաթը»,- ասել է Բենզեման:
