Մադրիդի «Ռեալ»-ի գլխավոր մարզիչ Զինեդին Զիդանը խոսել է Չեմպիոնների լիգայի գավաթի խաղարկության կիսաեզրափակչի «Մանչեսթեր Սիթի»-ի դեմ խաղի մասին:
«Ողբերգություն կլինի, եթե մենք Չեմպիոնների լիգայի գավաթի խաղարկության եզրափակչի ուղեգիր չնվաճենք: Պատասխան հանդիպումն ավելի բարդ ընթացք կունենա, քան առաջինը, քանի որ այն վճռորոշ է: «Սիթի»-ում ընդգրկված են բազմաթիվ հիանալի ֆուտբոլիստներ, մանավանադ հարձակվողները: Բայց մենք կխաղանք մեր ֆուտբոլը:
Գիտենք, որ պետք է ուշադիր լինենք խաղի առաջին իսկ րոպեից մինչև վերջին րոպեն: Սակայն պետք է հանգստություն պահպանենք: Մենք պետք է մտածենք հարձակվողական ոճի մասին, բարձր պրեսինգի և ակտիվության: Գիտենք, որ մեզ դիմակայելու է շատ բարդ մրցակից, որն անպայման կբարդացնի մեր խնդիրը»,-նախաղային մամուլի ասուլիսի ժամանակ նշել է Զիդանը:
