Իսպանիայի քաղաքացիական գվարդիան ձերբակալել է 4 մարդու, որոնք կասկածվում են ահաբեկչական գաղափարների տարածման և իսլամիստների շարքեր նոր անդամների հավաքագրման համար: Այս մասին հայտնում է RIA Novosti-ն՝ հղում անելով երկրի ՆԳՆ-ին:
Նշվում է, որ գործողությունն իրականացվել է Մադրիդի արվարձաններում՝ Պինտո և Սյեմպոսուելոս համայնքներում: Ձերբակալվածներից 3-ը մարոկկացի են, 1-ը՝ իսպանացի:
ՆԳՆ-ի տեղեկությամբ՝ կասկածյալներն իրենց գաղափարները տարածել են համացանցի միջոցով՝ հրապարակելով տարատեսակ պրոպագանդիստական նյութեր, և մեսենջերների:
Ներկայումս քաղաքացիական գվարդիան խուզարկություններ է կատարում Մադրիդում, Պինտոյում և Սյեմպոսուելսում, որոնց հիման վրա լրացուցիչ տեղեկություն կստացվի բջջի գործունեության մասին:
Նախարարության տվյալներով՝ ավելի քան 150 մարդ Իսպանիայից մեկնել է Սիրիա, Իրաք և Լիբիա՝ միանալու իսլամիստներին: Նրանցից 25-ը վերադարձել է, վերադարձածների մեծ մասը ձերբակալված է:
