«Կոնտուր Գլոբալ» ընկերությունը կարող է հաստատել, որ ակտիվորեն բանակցում են ՀՀ կառավարության հետ «Որոտան» հիդրոկասկադի բոլոր ակտիվների գնման հարցի շուրջ: Չնայած գործարքի պայմանները դեռևս հստակեցման փուլում են՝ գնման արժեքը զգալի կլինի, և կպահանջվի արտաքին՝ ոչ հայաստանյան աղբյուրներից ֆինանսավորում:
Գնումը կիրականացվի «Կոնտուր Գլոբալ» ընկերության սեփական միջոցներից և միջազգային առաջատար ֆինանսական կազմակերպությունների կողմից, ինչպիսիք են Անդրծովյան մասնավոր նեդրումային կորպորացիան (OPIC), Համաշխարհային բանկի մասը կազմող Միջազգային ֆինանսական կորպորացիան (IFC), որի հետ մենք սերտորեն համագործակցում ենք ներգրավված միջոցների հաշվին: Ի հավելումն ամբողջական գնի՝ «Կոնտուր Գլոբալ» ընկերությունը նախատեսում է զգալի ներդրումներ կատարել էլեկտրակայաններում հիմնական գեներատորների նորոգման նպատակով:
Ներդրումների պահանջը հրատապ է՝ հաշվի առնելով էլեկտրակայանների տարիքը, ինչպես նաև ներդրումների սղությունը վերջին մի քանի տարիների ընթացքում: Ներդրումների նպատակը կայանների հուսալիության բարձրացումն է` ելնելով Հայաստանի էլեկտրական ցանցերի համար հաճախականության ապահովման գործում դրանց առանցքային դերից:
Վերոնշյալ գործարքն ամբողջությամբ համապատասխանում է ՀՀ բոլոր օրենքների պահանջներին և իրականացվում է միջազգային լավագույն փորձին համապատասխան: «Կոնտուր Գլոբալ» ընկերությունը գործում է գործարար էթիկայի միջազգային կանոնների համաձայն՝ հանդես գալով որպես օրինակելի ընկերություն բոլոր այն երկրներում, որտեղ այն գործում է:
