Անդրադառնալով Հայաստանում երիտասարդության դերին` ՀԱԿ երիտասարդական թեւի ներկայացուցիչ Տիգրան Առաքելյանը նշեց, որ պետությունը որոշումներ ընդունելիս որեւէ կերպ հաշվի չի առնում երիտասարդության կարծիքը. «Երեկվա դեպքերը մեզ օրինակ, երբ երիտասարդին սեփական գաղափարների համար բռնության են ենթարկում: Հայաստանում սահմանադրական կարգը բռնաբարված է, ինչպես կարող է որեւէ երիտասարդ իր շահերից չբխող որեւէ որոշման դեմ պայքարի կամ բողոքի ակցիա կազմակերպի»:
Տիգրանի խոսքերով, հակաօրինական է այն փաստը, որ գրեթե բոլոր բուհերի ուսանողական խորհուրդները կուսակցականացված են. «Օրենքով չի կարելի բուհերում քաղաքականությամբ զբաղվել, իսկ մեր ՈւԽ-ները կուսակցականացված են: Դա որեւէ կերպ չի կարելի հասկանալ, եւ պարզ է, որ նրանք որեւէ կերպ չեն կարող պաշտպանել ուսանողների շահերը: Ուսխորհուրդները ուղղակի գումարներ են ստանում եւ դրանով իրենց կուսակցությունները նոր երիտասարդներով համալրելու կեղտոտ գործընթաց են կատարում»:
