1964 թ. արտադրվեց Porsche 911 մոդելի առաջին մեքենան, որին վիճակված էր դառնալ ամենավաճառվող մարզական ավտոմեքենան ավտոմոբիլաշինության ողջ պատմության մեջ, գրում է style.rbc.ru-ն:
Սակայն հանրությունը Neunelfer-ը տեսել էր 1 տարի առաջ՝ 1963 թ.՝ Ֆրանկֆուրտի ավտոսրահում:
Այս տարի Porsche-ը տոնում է լեգենդար մոդելի 50 ամյակը: Ի նշանավորումն այս հիշարժան տարեթվի՝ թողարկվել է Porsche 911-ի հատուկ տարբերակը, որը շատ է տարբերվում սերիական մոդելից:
Հատուկ թողարկումը կարտադրվի 1963 խմբաքանակով: Չնայած այն բանին, որ պահպանված են 911 մոդելին բնորոշ տարրերը, մարզական մեքենայի վրա զգացվում է Carrera S-ի ազդեցությունը:
Ավտոմեքենան հագեցած է հատուկ դիզայնի 20 դյույմանոց սկավառակներով, այն ավելի ենթարկվող է դարձել՝ համեմատած սերիական 911-ի հետ:
Նոր 911-ն ունի 3,8 լիտրանոց, 400 ձիաուժ հզորությամբ շարժիչ, մինչ 100 կմ/ժ արագությունը զարգացնում է 4,5 վայրկյանում: Առավելագույն արագությունը 300 կմ/ժ է:
Նորույթի շնորհանդեսը տեղի կունենա Ֆանկֆուրտի ավտոսրահում՝ այնտեղ, որտեղ այն առաջին անգամ ներկայացվել է հանրությանը:
