Բեյրութում Իրանի դեսպանատան մոտ բախումներ են տեղի ունեցել շիական «Հըզբոլլահ» շարժման կողմնակիցների ու հակառակորդների միջև, հայտնում է ITAR-TASS-ը:
Այսօր վերջիններս Բեյրութում մի քանի միտինգներ են անցկացրել, որոնք ավարտվել են Բիր-Հասան թաղամասում գտնվող՝ Իրանի Իսլամական Հանրապետության դեսպանատան մոտ:
Լիբանանյան զինծառայողները միջամտել են իրադարձություններին ու դադարեցրել բախումները:
Նախնական տվյալների համաձայն՝ սպանվել է մեկ ակտիվիստ, ևս 11-ը ստացել են վնասվածքներ:
Պիկետի մասնակիցները, որոնց առաջնորդել է «Լիբանանյան ընտրություն» կուսակցությունը՝ շիա քաղաքական գործիչ Ահմեդ Ալ-Ասադի գլխավորությամբ, պահանջել է դադարեցնել «Հըզբոլլահի» մասնակցությունը Սիրիայի ռազմական հակամարտությանը՝ Բաշար Ասադի կառավարության կողմից:
Հիմնական հակասիրիական միտինգը տեղի է ունենում քաղաքի կենտրոնում՝ երկրի նախկին վարչապետ Ռաֆիկ Հարիրիի դամբարանի մոտ:
Երկրի ուժային կառույցները Բեյրութում ձեռնարկել են անվտանգության խիստ միջոցառումներ:
